Valencia City Miduyog sa Brigada Eskwela 2017

Mihatag og suporta ang local nga pangagamhanan sa Valencia sa karong tuig nga pagpahigayon sa Brigada Eskwela uban sa tema nga “Isang DepEd, Isang Pamayanan, Isang Bayanihan Para sa Handa at Ligtas na Paaralan.”

Ang Brigada Eskwela usa ka National Schools’ Maintenance Week ngaadunay tumong sa pag-awhag sa tanang stakeholders sa edukasyon nga mutambong ug mugahin sa ilang oras ug kapasidad aron sa pagplastar sa mga pasilidad sa mga tunghaan alang sa pagsugod og klase karong bulan sa Hunyo.

Isip pasiuna sa maong aktibidad, mipahigayonog kick-off ceremony ang Division of DepEd Valencia sa Valencia City Central School niadtong Mayo 12, 2017 diin giapilan kini sa mga studyante, mantutodlo, mga opisyales sa tunghaan, ginikanan, community members, mga opisyales ug empleyado sa local nga pangagamhanan, non-government organizations, church groups, stakeholders ug private sector.

Mitambong sa maong aktibidad si Mr. Abe P. Gillaco, City Government Department Head sa HRMO, alang sa paghatod sa mensahe ni City Mayor Azucena P. Huervas.

Matod ni Gillaco, ang local nga pangagamhanan pinaagi sa pagpangulo ni Mayor Huervas, kanunay nga gasuporta sa matagpahigayon sa Brigada Eskwela.

Isip pagsuporta sa siyudad, usa ka memorandum order ang gipagawas sa City Mayor’s Office nga gaawhag satan ang empleyado sa LGU nga mutambong sa maong kalihokan aron sa pagsuporta sa mga pampublikong tunghaan.

Nahimong usa ka dakong inisyatibo sa DepEd ang pagpahigayon sa Brigada Eskwela matagtuig aron sa pag-awhag sa komunidad nga mutabang sa pagresponde sa mga kinahanglanon sa mga pampubliko nga tunghaan ug alang sa nasudnong pagpalambo sa edukasyon.

(Aron A. Rempohito, AA IV – PIO) KDJ