GOVPH

Details

Labing unang Business Forum alang sa mga Small & Medium Enterprises sa dakbayan gipahigayon

Nagpahigayon og Business Forum ang lokal nga pangagamhanan ning dakbayan sa pakigtambayayong sa Valencia City Chamber of Commerce and Industry Association, Inc. (VCCCIAI) sa Valencia City Gymnasium and Cultural Center, Pebrero 27, 2023.

Tumong sa maong panagtigom nga matubag ang mga concern sa mga negosyante sa nagkalain-laing sektor, ingon man ang pag-awhag kanila nga mahimong akreditado nga mga miyembro sa VCCCIAI.

Gipangunahan ni Mayor Azucena Huervas ang pagtubag sa mga pangutana sa mga partisipante sa maong kalihokan diin iya usab gipasalamatan ang ilang kontribusyon sa kalamboan sa dakbayan, ug gisaysay kanila ang gipadulngan ug mga kapuslanan sa mga nalikom nga buwis.

Gipadayag ni VCCCIAI President Carmen Yap sa mga negosyante ang mga benepisyo ug oportunidad nga ilang mapahimuslan kung sila mahimong miyembro sa maong asosasyon.

Mitambong usab sa nasangpit nga panag-diskusyon si kanhi Vice Mayor ug VCCCIAI member, Dr. Policarpo Murillo IV, MD. ug gisaysay ang pag-uswag sa ekonomiya sa dakbyan sa Valencia.

Created: 27 February 2023

Hits: 171