- Details
General Santos City mi-benchmark sa dakbayan sa Valencia
Padayon nga ginabisitahan ang dakbayan sa Valencia sa ubang mga lokal nga pangagamhanan aron magpahigayon og benchmarking activities diin usa niini ang LGU-General Santos City niadtong Pebrero 2, 2023.
Mabination nga giabi-abi nila Mayor Azucena Huervas, ug Engr. Rodina Onting, City Engineer, ang mga bisita gikan sa Engineering Department sa LGU-General Santos City nga gipangunahan ni Engr. Renato Bayani, General Santos Assistant City Engineer.
Tumong sa maong grupo nga masayran ang mga labing maayong buhat sa City Engineering Office ning lokal nga pangagamhanan panahon sa pagplano ug sa mismong pagtukod og mga building projects sa siyudad nga pwede usab nila sundogon o sumban sa ilang pagatukoron nga Public Market sa ilang dakbayan.
Aktibo usab nga migiya sa mga bisita ang City Tourism sa gipahigayon nga site visit sa Farmer's Market.
Taliwala sa maong kalihokan, gidayeg sa mga bisita si Mayor Huervas human nila masayran nga ika-lima na nahimong SGLG Awardee ang lokal nga pangagamhanan sa Valencia.
- Hits: 123
- Details
Seal of Good Local Governance for Barangays gilunsad sa Valencia City
Pormal nga gilunsad sa Department of the Interior and Local Government (DILG) ug LGU Valencia City ang Seal of Good Local Governance for Barangays (SGLGB), Pebrero 6, 2023.
Ang SGLGB usa ka recognition-based program ug progresibong sistema sa pag-ebalwar sa perpormans sa pagdumala sa mga kabarangayan sa siyudad.
Mahimong maangkon sa barangay ang maong award kung mapasar niini ang tulo ka Core Areas nga mao ang Safety, Peace, and Order, Financial Administration and Sustainability, ug Disaster Preparedness ug usa sa Essential Areas nga mao ang Social Protection and Sensitivity, Business-friendliness and Competitiveness, ug Environmental Management.
Pinaagi sa maong programa, malaumon si Mayor Azucena Huervas nga matugyan ang mga kabarangayan nga kanunay mukab-ot sa maayong pagdumala ug pagpangalagad alang sa ikalambo sa katawhan.
Usa ka mahinungdanon nga programa usab alang kang City Vice Mayor Atty. Ted Pepito ang SGLGB, sanglit para kaniya, ang kalamposan sa maayong perpormans sa mga barangay, kalamposan usab sa siyudad.
Dili usab bag-o sa maong pag-ebalwar ang mga barangay sa dakbayan sanglit, nakaagi na kini sa kaniadto nga programa sa Galing Barangay Awards (GABAY).
Nahimong basehan sa pagpatuman sa SGLGB dinhi sa dakbayan ang DILG Memorandum Circular No. 2021-074 ug ang City Ordinance No. 07-2022 o ang Ordinansa nga naga-institutionalize sa SGLGB sa dakbayan, nga gipangamahan ni City Councilor Rolando Centillas ug co-authored ni Councilor Annalou Zambrano.
Kamulo pa usab sa pagpangandam ug pag-determinar sa schedule alang sa pagpahigayon sa SGLGB evaluation karon nga tuig.
Nagmabungahon ang paglunsad sa maong programa pinaagi usab sa presensiya sa tanang membro sa Sangguniang Panlungsod ug mga Department Heads ingon man ni City Local Government Operations Officer, Jan Eric Manasan, mga Punong Barangay, ug mga Barangay Secretary ug Treasurer.
Joomla Extensions- Hits: 190
(088) 222-2180
(088) 828-2453
