Munisipalidad sa Malitbog nibisita sa siyadad para sa benchmarking activity
Mainiton nga giabi-abi ni Mayor Azucena Huervas ang mga bisita gikan sa lokal nga pangagamhanan sa munisipalidad sa Malitbog nga nagpahigayon og benchmarking activity sa dakbayan sa pagpanguna ni Malitbog Municipal Mayor Gary Casiño gahapon, Pebrero 1, 2023.
Bahin sa maong kalihokan ang presentasyon kalabot sa sistema, sitwasyon, ug perpormans sa Bids and Awards Committee (BAC) ug General Services Office (GSO) ning lokal nga pangagamhanan nga gipangunahan nila Vickylyn Duron, City General Services Officer/BAC Member, Jinny Tiu, City Budget Officer/BAC Member, ug Diosdado Palma, City Accounting Officer/BAC Member, diin madayagon usab nilang gitubag ang mga pangutana sa mga bisita.
Tumong sa LGU-Malitbog Municipality nga masayran ang mga labing maayong buhat sa GSO ning lokal nga pangamhanan nga pwede usab nila sundogon o sumban panahon sa pagmugna sa maong opisina sa ilang lokalidad.
Aktibo usab nga migiya sa mga bisita ang City Tourism Office sa gipahigayon nga site visit sa GSO Warehouse ug Motor Pool sa siyudad nga nahimotang sa Barangay Bagontaas.
(088) 222-2180
(088) 828-2453
